Dynnargh agan Kaderyer – Bruce O’Brien

Dynnargh dhe’n 66ves Gool Hav Sen Endelyn.

Settys yn mysk kettesten a veur a bayn ha strif y’gan bys, ni a wayt may proffyo an gool hevlena tyller a omdennans, ombrederyans hag yntanans.

An vledhen ma, herwydh usadow, a’s teves towlen leun a ilow yntanus, ha nebes hwarvosow rag an kynsa tro rag Gool an Hav (y’ga mysk fylm ha’n gwella tas gans Sen Endelyn ow junya an warioryon a Falstaff).

Keffrys ha nebes hwarvosow rag an kynsa tro, an gool ma a syns ynno nebes “hwarvosow diwettha” gans dibarth Joely ha Rachel avel Kevarwodhysi Artek.

Joely a omgemeras an chalenj a dhos ha bos Kevarwodhyas Artek yn 2023, yn-dann vos kespar gans an kes-KA a’n termyn na Roderick Williams dhe bareusi towlen wool a omdhiskwedhas nebes golowboyntys kepar ha Traviata ha Sarah Connolly worughel yn settyansow orkestral ha chambour.

Yn 2024 Rachel a junyas an keskowethyans KA hag i a geginas tewedh a ilow a-dro dhe’n ober kresel a’n Iseldiryas ow Neyja gans Wagner.

An vledhen ma a wel an nessa ha diwettha omdhiskwedhyans a’n dhiw ma ha hwi re redyas an pyth re ordensons ragon.

My a vynnas kemeres an chons ma dhe wodhvos gras dhedha an dhiw rag aga omgemeryans bras dhe’n gool ma – y kemerir strivyans kowrek dhe dhevisya towlen rych ha divers a opera, ilow orkestral, keskan, chambour ha kryjek hag ena kuntel an nerthow yw res dhe wul dhodho hwarvos ha gul dhodho dastewynnya.

Lowena re beu dhe geskowethya gansa dell vewhens aga gwel dres an diwettha bledhynnow ma.

Ha’n “diwettha” ma ow nesa, y hallav ranna ynwedh may fydh Paul Daniel owth omgemeres an leuvwelen (herwydh an lytheren) a Gevarwodhyas Artek rag an gool 2026.

Paul, dell wodhvons, a dheuth dhe’n gool yn kynsa a-varr y’n 80ow ow keveylya Stephen Varcoe yn Die Schöne Müllerin, owth apperya y’n Koncherto Tryflek gans Beethoven ha gwari kontinuow yn Passhyon Sen Yowan.

Wosa powes a ogas ha 40 bledhen, fest lowen en pan dhegemeras ev galow dhe idya An Wlaskor gans Elgar yn 2023, hag ena dehweles warlena dhe ledya performyans pur arbennik (y’gan breus ni) a Rekwiem Almaynek Brahms.

Ni re omlowenhas oberi gans Paul yn feur dres an dhiw vledhen usi passyes, ytho yntanus on dh’y gavos y’n mayni.

Yma Paul omma hevlena ow kidya Falstaff – ha piw a wor, y ransen nebes hyntys ow tochya an pyth a wra ev ordena rag towlen 2025.

Dhe’n festow Endelyn, y hwilyn pup prys enora an kemeneth a’gan ost pub bledhen, hag y ferksewgh elvennow agan towlen ha nebes arwodhow hogen yw treylys dhe Gernewek lemmyn.

Fest feusik on dhe gavos dew skoodhyer an yeth kernewek y’gan kemeneth (Jeff Stanford ha Kerenza Peacock, may hyllowgh aga havos y’n tregh growd); warlena y tyski Kerenza an gevrenogyon unn ger Kernewek pub dydh (ha ni re gevrennas an geryow essensek ma war folen XX a’n lyvrik ragowgh) ytho bedhewgh attes dhe braktisya agas Kernewek gans neb esel kemeneth an gool neb a’gas afydhyn a vydh pur freth yn Kernewek gool!

Ha wortiwedh, neppyth teg aral a hwer hevlena yw agan diskwedhyans art.

Lois Oliver (a’n krowdys ynwedh), agan ordenores, re gowethyas hevlyna gans studhyoryon dhyworth Pennskol Aberfala dhe elwel nebes artweyth a yllowgh gweles y’n diskwedhyans hag ynwedh y’n gerlyvrik ma (hag yn tevri war an wiasva dokyn).

Yth omglewir yntanus may feu ober nowydh gwruthys yn arbennik rag an gool ha my a’gas ynni mires orta dell waytyn i dhe neyja dhyworth an fosow.

Wortiwedh, meur ras dhywgh rag dos dh’agan skoodhya hevlena.

An artys re borthas bommyn dhyworth lies kwartron, hag yth yw saw gans agas helder ow prena tokynyow ha junya agan towlen Kowetha may hyllyn pesya performya y’n tyller teg ma, mes ynwedh dhe skoodhya ilewydhyon yowynk hedhes an kostys a wari y’n gool.

Bruce O’Brien

Translated by Steve Harris